Scintillating Cindrella

Hi friends, Our first Poetress and the painter of Chennai Seven has scripted some Scintillating poems. They follow here....

Pencil art by Cindrella...

Pencil art by Cindrella...

CINDRELLA'S KAVITHAI VARIGAL

நட்புக்கு நீ

கடலுக்கு அலை அழகு

அலைக்கு கரை அழகு

கரைக்கு பூங்கா அழகு

பூங்காவிற்கு பூக்கள் அழகு

பூக்களுக்கு மனம் அழகு

மனதிற்கு அன்பு அழகு

அந்த அன்பிற்கு

நண்பா உன்னை தவிர வேறு யார் அழகு !!!!

____________________________________________________

காதலே நீ

நமக்கு பிரிவு என்று வந்த பின்பும்

என் உயிர் மட்டும் இன்னும் பிரிய வில்லை

ஏன் என்று அறிவாயா,

என் சுவாசத்திலும் நீ மட்டுமே கலந்திருப்பதால் !!!

என் சுவாச காற்றே நீ என்றும்

என் மனத்திரையிலே தென்றலாய் இரு

புயலாய் வீசி என்னை விட்டு விலகி விடாதே !!!

___________________________________________________

கண் இமையிலும் நீ

என் கண்கள் இமைக்க கூட நான் விடுவதில்லை

ஏன் எனில் என் இமைகளுக்கு நடுவே நீ நிற்கிறாய்

நான் இமைக்கும் போது உனக்கு வலித்து விடுமே என்று

என் கண் இமைகள் இமைக்க கூட மறுக்கின்றன !!!!!

___________________________________________________

எதிரியும் எனக்கு நண்பனே

எனது கண்ணோட்டத்தில்

நண்பனும் எதிரியும் என் இரு கண்கள்

இரண்டில் ஒன்று இல்லாவிட்டாலும்

வாழ்க்கையின் பாதை குறுகி விடும்

நான் நண்பனை நேசிக்கிறேன்

எதிரியை நண்பனை விட நேசிக்கிறேன்

ஆச்சர்யமாக மனதில் படலாம்

ஆனால் அது முற்றிலும் உண்மை, ஏன் எனில்

நண்பன் வெற்றிக்கு உறுதுணையாக இருப்பான்

எதிரியோ வெற்றிக்கு காரணமாய் திகழ்வான் !!!

__________________________________________

கடல் - அன்னையும் நீயே.... தந்தையும் நீயே....

கடல் அன்னையை காண கடற்கரைக்கு சென்றேன்

நிலவின் ஒளியில் வெள்ளி ரதமாய் திகழ்ந்தாள்

அன்னையின் துரிதம் அவளிடமும் கண்டேன்

அவளது அன்பு அலையால்

என் பாதங்களை முத்தமிட்டாள்

ஆனந்தத்தில் திளைத்து இருந்தேன்...

அவளது காற்றாகிய தோழனை அழைத்து

என்மீது தென்றலாய் வீசச் செய்தாள்

மென்மையாக ஊடுருவியது

என் தந்தையின் பரிவை அதில் உணர்ந்தேன்...

என் தந்தையுமாய் அன்னையுமாய்

என்னுள் புகுந்தாள் அவள்

அப்போது தான் மனதில் தோன்றியது

இவ்வுலகில் யாரும் அனாதை இல்லை என்று !!!

_________________________________________

கடலுக்கும் காதலா

எனது தோழி கடற்கன்னி

எனது வருகைக்காக காத்திருந்தாள்

என்னை கண்டதும் தனது அலைகளால்

என்னை கட்டி அணைத்தாள்...

அவளை காணும்போது

அவள் கவலையாக காணப்பட்டால்

அவளது கவலை என்னுள் புகுந்தது

என் மனதையும் உயிரையும் வாட்டியது..

மழையான கண்ணீரை வடித்தாள்

நானும் அதில் நனைந்தேன்

கண்ணீருக்கு காரணம் கேட்டேன்

"காதல்" - என்று கூறினாள்

__________________________________

கடலின் காதலன்

கடற்கன்னி அவளது காதலனை தேடி

கடல் அலைகளாய் நீந்தி

கரையில் தினமும் அவனை தேடுகிறாள்...

அவன் இல்லாமல் போகவே

வாட்டத்துடன் கடலுக்கே திரும்புகிறாள்

எத்தனை காலங்கள் தேடுகிறாள்?

இன்னும் தேடி கொண்டே தான் இருக்கிறாள் ...

ஆர்ப்பரிக்கும் அலை ஓசைகள்

அவன் செவிக்கு சேரவில்லையா?

கேட்டும் கேட்காதவனாய் இருக்கிறானோ..

அவளது இதழ்கள் எத்தனை காலம் தான்

அதன் கரைகளையே முத்தமிடும்?

தன் காதலனை கண்டுக்கொண்டு

அவனை முத்தமிடுவது எப்போது ?

அவளது பொறுமையை இழந்து,

அவள் சுனாமியாக அவதரித்து,

மக்களின் உயிர்களை வேட்டையாடுவதற்குள்

அவளது உயிரை உனது உயிராக்கிக்கொள் ...

உனது வருகைக்கு காத்திருக்கிறாள் - கடற்கன்னி

________________________________________

பெண்ணின் அழகு

ஒரு வாலிபன்

அழகாய் இருக்கும் ஒரு பெண்ணை

ஒரு நாளும் நேசிக்கவில்லை

அவன் நேசிப்பதால் தான்

அவள் அழகாக தோன்றுகிறாள் !!!

எந்த ஒரு பெண்ணின் அழகையும்

பெரழகாக்கும் திறன்

அவள் நேசிப்பவனிடம் இருக்கிறது

ஒரு சாதாரண பெண்ணும்

தேவதையாக தெரிவாள், அவளது

காதலன் கடைக்கண் பார்வை பட்டால் !!!

________________________________________________

பெண்ணின் பிறப்பு

பெண்ணின் பிறப்பு முதலில்

முட்களாக இல்லை தாயின் அரவணைப்பில்

மலர்களாக திகழ்ந்தது

லட்சக்கணக்கான அணுக்களில்

ஒரு அணு மட்டும் போராடி

தாயின் கருவறையில்

வெற்றியின் படியில்

சிசுவாக மாறுகிறாள் !!!

அவளது தாயின் கருவறையின்

இருட்டில் பத்து மாதங்கள் கழிக்கிறாள்

அப்போதே கடவுள் அவள் விதியில்

எழுதி விட்டாரா என்ன

அவளது வாழ்வும் இருட்டில் தான் என்று !!!

பத்தாம் மாதம் ஆரம்பித்து விட்டது

அவளது தாய் வலியால் துடித்தாள்

இன்பமான வலி ஏன் எனில்

அவள் பெற்று எடுத்தது

பூமி தாயின் மகளை !!!

அவளது தந்தை பூரித்தார்

தனக்கு பிறக்க விருப்பது ஆண் குழந்தை என்று

ஏழை தகப்பன் என்ன செய்வது ?

ஆனால் கடவுளின் திருவிளையாடல்

அவர் அப்போது அறியவில்லை

குழந்தை பெண்ணாக பிறந்தது

அவள் குற்றமா என்ன ?

பெண்ணின் தகப்பனே

பெண்ணுக்கு வில்லனானான்!!!

குழந்தையின் தாய் தன் மகளை

முத்தமிடும் முன்பே

கள்ளிப்பால் கரைத்தான் !!!

ஏன் பூமி தாயின் மகளாக இருந்தால்

பிறந்தபோதே

பூமிக்கு இரையாக வேண்டுமா என்ன ?

பெண்ணே நீ

பூமிக்கு இரையாகாமல்

பூமிக்கே இரைகொடுக்கும்

பாரதி கண்ட புதுமை பெண்ணாக

சிகரத்தை தொடுவாய் !!!

___________________________________________________

உயிர் காக்கும் உழவனுக்கு உயிர் எழுத்துகளில் ஒரு பா....

அணையில் தேக்கப்படும்

ஆற்று நீர் வெளிவரும்,

இரட்டிப்பு வேகத்தில்

ஈட்டியாய் பாய்ந்து

உதவும் விவசாயத்திற்கு...

ஊருக்கும் வயலுக்கும் நீர்ப்பாய்ச்சி

எருகளின் உதவியால்

ஏறு பூட்டி உழுது

ஐம்பூதங்களின் துணையோடும்

ஒவ்வொருவரின் உழைப்போடும்

ஓசை எழுப்பும் பாடல் பாடி

ஒளவை அகவையிலும் உழைக்கிறான் விவசாயி...

__________________________________________

காதல் பிரிதல்

என் கண்மணியே

கண்களின் கருவிழியினுள் நுழைந்து

என் மனதினுள் உன் வடிவத்தை நுழைத்து

என் மூச்சு காற்றினை உனதாக்கிக் கொண்டு

என்னுள் நீ சரண் புகுந்தாய்

எந்தன் மனத்திரையில்

உன் வடிவத்தை காணும் நான்

மணம் கிறங்கி காதல் கிறுக்கன் ஆனேன்

என்னை உன்னவன் ஆக்கிக்கொண்ட நீ

உன்னவனை விட்டு விலகுவது ஏன் ??

___________________________________

இதயத்தின் ஊஞ்சல்

என் இதயக் கனியே

என் இதயம் என்ன

விளையாட்டு மைதானமா?

நீ என்றும் ஊஞ்சல் கட்டி ஆட ??

என் கண்ணின் மணியே

நீ நித்தம் ஊஞ்சல் ஆடுவதை

என்றேனும் நிறுத்தினாய் என்றால்

நிறுத்தும் உன் ஆட்டத்தில்

நின்றுவிடும் என் ஓட்டம்

____________________________

அன்பின் மகிமை

பிறர் உன்னை நேசிக்கும் போது

நீ நேசிப்பதை விட

பிறர் உன்னை வெறுக்கும் போதும்

நீ நேசிப்பது தான்

உண்மையான அன்பு

அன்பு எல்லையற்றது

காலம் கடந்தது

இரு மனங்களின் சங்கமமே

அன்பின் வெளிபாடு

பிரிந்த இரு மனமும்

வெவ்வேறு திசையில் சென்றாலும்

அவர்களை ஒரே திசையில்

கொண்டு வரும் சக்தி அன்பிற்கு உண்டு

தூய்மையான அன்புக்கு

என்றும் எதிரிகள் கிடையாது

அவர்களே எதிரிகள்

என்று கருதும் வரையில்

____________________________

நட்பின் புரிதல்...

நண்பன் உன்னை புரிந்து கொண்டானா

என்பதை விட

நீ அவனை புரிந்து கொண்டாயா

என்பதை பார்

அவன் உன்னை புரிந்து கொள்ள வில்லை

என்று எண்ணி

நீ அவனை புரிந்து கொள்ளாமல்

பிரிந்து விடாதே தோழி

_____________________________________